Thiang Thlarua Baptisma

Description

Caṭialtu Biacah 

Minung sinah Pathian aa phuannak hi cathiang chungah chanthum in hmuh a si i, cu hna cu: Pa chan, Fapa chan le Thiang Thlarau chan hna hi an si. Cucu Pa, Fa, Thiang Thlarau thumkomh Pathian (Trinity) tiah cawnpiak lengmang tawnmi cu a si. Pale Fa chan cu an liam cang i atu ah Thiang Thlarau chan chungah kan um liopi a si ti zong theih a si. Penticost ni thawk in Khrih Thiang Thlarau cu pek kan si i, kan sinah a um zungzal. Mithiang Paul nih, “Khrih Thlarau a ngei lomi cu Khrih ta an si lo,” (Rom 8:9) a ti bantukin Khrih nunnak le Khrih Thlarau kha a nunnak nih a ngeih, a hlam i biatak tein a halmi zumtu paoh sinah pek zungzal a si.

Thiang Thlarau chan chungah kan urn tikah Thlarau rianṭuannak hi biatak tein zumh le cohlan a herh ngaingai. Baibal cu a tawinak in ṭialmia si caah Thiang Thlarau rianṭuannak le cawlcanghnak a phunphun zong hi Baibal relnak in theih khawh dih a si lo hlei ah Thawngthabia cauk phun tampi an chuahnak zongah hin Thiang Thlarau riantu.annak kong ṭialmicauk tete zong hi an um tuk lem lo. Campiang, Crusade hmun le Revival tuahnak hmun deuh lawngah hin chimphuan deuh a si tawn tikah mizapi ko nih cun fiang lak hmuh khawhnak tiang in theih khawh a si fawn lo.

Atu ah America Washington in Thiang Thlarau ṭhawnnak a ngeitu Thlarau leiah minthang a simi Dennis le Rita Bennet hna nih an ṭalmi (The Holy Spirit and You) cauk kha Love in Action Ministry zong nih (Thiang le Nangmah) leh le chuah chin a si i, hi cauk chungah Thlarau rianṭuannak kong tampi hmuh khawh a si i, hi cauk chungah thil sining cang le catialtu pa (H. Lian Tial) ikum tampi chung ka rak tern chung cangmi le ka rak hmuhtonnak vialte kha fonhtonh in Thlarau nunnak thazang caah an i lak khawh ve cionak lai siaherhnak nganpi he Thiang Thlarau Baptisma ti in chuahpiakmi a si.

Hi cauk chuah hnawhchannak a muru cu “Khrihfa a simi paoh nih Khrihfa ka si ti menmen lawng si loin Jesuh Khrih he i tong taktak hna sehlaw, Thiang Thlarau kha hmu cio hna seh. Cun Thiang Thlarau hmuh menmen lawng si loin hnukti dinnak in rawl-hak ei khawhnak, cawnpiak chom lengmangmi sinak in cawnpiaktu saya si khawhnak (Heb 5:12-14), zumhnak leiah ngakchia si ti loin nutling, patling si khawhnak (Efe.4:13-15), le Thlarau tak le Thlarau deu thleidan thiamnak tehna hi ngei cio hna seh ti hi tumtah bikini cu a si. Bawipa Jesuh cu dawtnak he a khatmi a si i, lungtak tein a halmi paoh sinah a zaangfah velngeihnak laksawng cu a pek tawn hna. Hi cauk a rel i a zumtu Vialte Bawipa Pathian nih “Thiang Thlarau Baptisma” in pe hna seh law nan caah a herhmi Thiang Thlarau laksawng le theitlai hna zong in pe cio ko hna seh…. Amen

H. Lian Iial B.A; B.Ed; B.RE; M.DiV. A.I.S,

Chin State Education Office Hakha